Сүүлийн нэг хоногт Казахстанаас баруун орнуудыг чиглэсэн нислэгийн тоо эрс нэмэгджээ. Шинжээчид үүнийг Н.Назарбаевын тойрон хүрээлэгчид эд хөрөнгөө аван эх орноосоо дүрвэж байж магадгүй гэж харж байна. мөн өчигдөр хувийн жижиг онгоц Казахстанаас Киргизстаныг чиглэн хөөрсөн ч замаасаа чиглэлээ өөрчилж ОХУ руу чиглэсэн гэсэн мэдээлэл бөайна. Зарим эх сурвалжууд энэ онгоцыг Бишкект буусан бөгөөд дотор нь Н.Назарбаевын охин сууж явсан гэж мэдээлж буй.

Үндэсний аюулгүй байдлын зөвлөлийн тэргүүнээс огцорсон Н.Назарбаевын хувьд хаана байгаа нь тодорхойгүй. Зарим эх сурвалжид түүнийг охинтойгоо хамт Киргизэд очсон гэж байгаа юм. Ямартай ч өчигдөр түүний талаар “Н.Назарбаев гадагшаа явж эмчилгээ хийлгэнэ” гэсэн мэдээлэл цацагдаж байв.