Мьянмарын цэргийн эрх мэдэлтнүүд өнгөрсөн хоёрдугаар сард  төрийн эргэлт хийснээсээ хойш энгийн иргэдийн эсрэг хүчирхийлэл үйлдэж байсан нь баримттайгаар илчлэгдлээ. Британийн ВВС агентлаг энэ хэрэгт анхаарал хандуулан эрэн сурвалжилсны эцэст цэргийнхэн өнгөрсөн долдугаар сард энгийн иргэдийн эсрэг хүч хэрэглэж, олноор нь нэг дор хөнөөсөн хэргийг нэг бус удаа үйлдсэнийг тогтоожээ.  Дээрх хэргийн улмаас багадаа 40 хүнйи амь нас хохирсон талаар ВВС өнөөдөр олон нийтэд мэдээллээ.

Амьд үлдсэн хүмүүсийн ярьснаар, цэргүүд тосгонд ирээд хүмүүсийг эрэгтэй, эмэгтэйгээр нь ялгаж, улмаар эрчүүдийг ямар ч шалтгаангүйгээр зодсон гэнэ. Зодуур даалгүй үхсэн хүмүүсийг холгүй аваачин гүн биш нүхэнд булж байжээ.  ВВС дээрх хэргүүдийн талаар 11 гэрчтэй уулзан ярилцаж, “Myanmar Witness” хүний эрхийн байгууллагад цуглуулсан видео бичлэгийг тэдний яриатай тулган баталгаажуулсан гэдгээ мэдээлэлдээ дурдсан байв.