Бүгд Найрамдах Чех Улс (БНЧУ)-ын Боловсрол, залуучууд, биеийн тамирын яамнаас Чех хэл соёлыг сонирхон судалдаг оюутан, төгсөгч, багш, ажилтнуудыг дэмжих зорилгоор БНЧУ-д зохион байгуулагдах Слав судлалын Зуны сургалтын хөтөлбөр зарлагдлаа.

Энэхүү зуны сургалт нь жил бүрийн 7, 8, 9 дүгээр сард зохион байгуулагддаг бөгөөд сургалтын агуулгаас хамааран 3-4 долоо хоног үргэлжилнэ.

ТЭТГЭЛЭГТ ДАРААХ ЗҮЙЛС БАГТАНА:

• Сургалтын төлбөр
• Дотуур байр (өглөөний, өдрийн, оройн хоол)
• Зуны сургалтын хүрээнд зохион байгуулагдах соёлын арга хэмжээ болон аялалд үнэгүй хамрагдах эрх
• Зарим нийтийн тээврийн зардал

ТЭТГЭЛЭГТ ДАРААХ ЗҮЙЛС БАГТАХГҮЙ:

• Олон улсын тээврийн зардал
• Виз олголттой холбоотой зардлууд
• Даатгалын зардал

ТАВИГДАХ ШААРДЛАГА:

• Чех хэл, соёлыг сонирхон судалдаг оюутан, төгсөгч, багш, ажилтан
• 18-аас дээш настай, Монгол Улсын иргэн;
• Чех хэлний А1 түвшний мэдлэгтэй эсвэл Англи хэлний В2 түвшний мэдлэгтэй байх.

Бүртгэл 2024 оны нэгдүгээр сарын 31-ний өдрийг хүртэл цахимаар явагдах бөгөөд үүнтэй холбоотой мэдээллийг энэхүү холбоосоор эсвэл 7012-0939 утсаар авна уу.

Эх сурвалж: БШУЯ