Британийн Ерөнхий сайд Борис Жонсон ард иргэдэдээ хандаж, коронавирусийн эсрэг вакцины гурав дахь тунг хийхээр шийдсэнээ дуулгажээ. Түүний хэлснээр, тус улс 18-аас дээш насны бүх иргэдэдээ гуравдугаар тунд хамруулах бөгөөд ингэснээр оны эцэс гэхэд омикрон хувилбарын тархалтыг бууруулна гэж найдаж байгаа юм  байна. “Бидний одоо байгаа нөхцөл байдал маш оцнгой, ноцтой гэж би айж байна. Тиймээс аюулт өвчнөөс хамгаалах бэхлэлтээ улам сайжруулахын тулд, хайртай хүмүүсээ хамгаалах зайлшгүй шаардлага байна” гэж тэрээр мэдэгджээ.

“Гурав дахь тунг хийснээр хамгаалалтын түвшнээ ахиулж чадна гэдэгт манай эрдэмтэд итгэлтэй байгаа” гэж тэрээр цохон тэмдэглэсэн байна.