Өмнөд Солонгосын татварын үндэсний газар тус улсын дуучдын орлогын талаар статистик тоо баримтыг Бямба гарагт парламентдаа танилцуулжээ.

2021 онд татвар төлсөн 7,720 дуучин нийтдээ 515.65 тэрбумын орлого олсон байна. Өөрөөр хэлбэл нэг дуучинд оногдох дундаж орлого 66.79 сая вон ($49,000) байжээ.

Гэхдээ хуваарилалт нь харилцан адилгүй байсан байна.

Дуучдын хамгийн өндөр орлоготой нэг хувьд энэ салбарын нийт орлогын бараг 70 орчим хувь дангаар оногдсон байна.

Үлдсэн 99 хувьд нийт орлогын 30 хувь оногдсон гэсэн үг юм.

Өндөр орлоготой нэг хувьд багтсан дуучин бүр дунджаар 4.62 тэрбумын ($3.4 сая) орлогыг 2021 онд олжээ.

Тэдний дундаж орлого 2018 онд 3.45 тэрбум, 2019 онд 2.25 тэрбум, 2020 онд 1.76 тэрбум вон болж буурч байснаа 2021 онд ийнхүү эрс өссөн байна.

Жүжигчдийн хувьд хамгийн өндөр орлоготой нэг хувьд багтаж буй 160 жүжигчинд 2021 оны салбарын нийт орлогын 48.6 хувь оногджээ.

Татвар төлсөн нийт жүжигчдийн дундаж орлого 2.27 тэрбум вон ($1.6 сая) байсан бол топ нэг хувийн дундаж орлого 382.9 тэрбум вон ($283 сая) байсан байна.

Эх сурвалж: Yonhap News