Непалын 97 настай Гуна Маяа Бохара 8-р сарын 26-нд болсон хүчтэй үерийн үеэр амьдарч байсан асрамжийн газрынхаа нурангид дарагджээ. Аврагчид цагдаагийн болон армийн хүчний оролцоотойгоор дөрвөн цаг орчим ажилласны эцэст түүнийг шавар, барилгын нуранги дундаас амьд олж, экскаваторын тусламжтайгаар аюулгүй газарт гаргасан байна. Гуна Маяа Бохара эмнэлэгт хүргэгдсэн бөгөөд эмч нарын мэдээлснээр биеийн байдал нь сайжирч байгаа ажээ. Түүний аврагдсан мөчийн зураг Непалын энэ гамшгийн үеийн итгэл найдварын нэгэн бэлгэ тэмдэг болж байна.

Эх сурвалж: BBC Nepali, Reuters