2027 оноос Москва-Улаанбаатар чиглэлд шууд нислэгтэй болох боломжтой боллоо. "Red Wings» авиа компани 2027 оны зуны улирлаас эхлэн Москва болон Улаанбаатар хотуудын хооронд шууд нислэг үйлдэхээр төлөвлөж байна. Шаардлагатай зөвшөөрлүүдийг авсан тохиолдолд Жуковский – Улаанбаатар чиглэлд долоо хоногт 3 хүртэлх нислэг үйлдэхээр төлөвлөж байна. Уг нислэгийг Оросын «Ту-204/214» загварын агаарын хөлөг гүйцэтгэх болно. Өнөөдрийн байдлаар хоёр улсын нийслэл хооронд шууд нислэг байхгүй байгаа бөгөөд зөвхөн «ИрАэро» компани Иркутск – Улаанбаатар чиглэлд байнгын нислэг үйлдэж байна.