АНУ-ын Ерөнхийлөгч Доналд Трамп, Украины Ерөнхийлөгч Володимир Зеленський нарын уулзалт хэвлэл мэдээллийн хэрэгсэлд хаалттай, нэг цаг орчим үргэлжилжээ.

"Ерөнхийлөгч Трамптай уулзлаа. Украинчуудын амь насыг хамгаалах, энх тайвныг тогтоохын тулд бидэнтэй хамт хийж байгаа бүхний төлөө баярлалаа" гэж Володимир Зеленський уулзалтын дараа Телеграм хуудсандаа бичжээ. Харин үүний дараа АНУ-ын Ерөнхийлөгчийн Хэвлэлийн нарийн бичгийн дарга Кэролайн Левитт мэдэгдэл хийн, уулзалтыг "нааштай, үр дүнтэй" хэмээсэн байна. 

Доналд Трамп, Володимир Зеленський нар уулзахаас өмнө холбогдох эх сурвалжуудаас авсан мэдээлэлтэйгээр Reuters агентлаг мэдээлэхдээ АНУ, Украин улсын албаны этгээдүүд ОХУ-тай агаарын орон зайд эвлэрэл зарлах, өөрөөр хэлбэл хоёр тал агаарын цохилтоо зогсоох талаар хэлэлцсэн гэж онцолж байв.