Европын орнуудад бактерийн гаралтай бэлгийн замын халдварт өвчний тархалт түгшүүртэй түвшинд хүрч, сүүлийн арван жилийн хамгийн өндөр үзүүлэлтийг үзүүлсэн талаар Европын Өвчний Хяналт, Сэргийлэлтийн төвөөс анхаарууллаа.

Нийтлэгдсэн хамгийн сүүлийн үеийн тандалт судалгааны тайлангаар заг хүйтэн, тэмбүү болон хламидын халдвар авсан хүний тоо Европ даяар огцом нэмэгдсэн байна.

Халдварт өвчний бүртгэлийг нарийвчлан авч үзвэл:

• Заг хүйтэн: Европ даяар нийт 106,331 тохиолдол бүртгэгдсэн байна. Энэ нь 2015 оны үзүүлэлттэй харьцуулахад 303 хувиар өссөн үзүүлэлт бөгөөд ECDC 2009 оноос хойш БЗХӨ-ний тандалтыг албан ёсоор хийж эхэлснээс хойших хамгийн өндөр тоо юм. Ялангуяа Ирланд, Мальта, Исланд зэрэг орнуудад өвчлөл хамгийн өндөр хувиар нэмэгджээ.
• Тэмбүү: Нийт 45,577 тохиолдол бүртгэгдэж, өвчлөл өмнөх жилүүдээс хоёр дахин өссөн байна.
• Төрөлхийн тэмбүү: Эрүүл мэндийн салбарынхныг хамгийн их сандаргаж буй үзүүлэлт нь эхээс урагт халдварлах тохиолдол юм. Төрөлхийн тэмбүүгийн тохиолдол нэг жилийн дотор 78-аас 140 болсон байв.
• Хламид: Европт хамгийн өргөн тархсан БЗХӨ хэвээр байгаа бөгөөд нийт 213,443 тохиолдол бүртгэгдсэн байна.

Өвчлөл ийн огцом өссөн нь хамгаалалтгүй бэлгийн харилцаа, урьдчилан сэргийлэх, /үзлэг, оношлогоонд хамрагдах гэх мэт/ шинж тэмдэггүй далд хэлбэр зэргээр нөлөөлжээ.

ЕСРD "Бид БЗХӨ-ний оношилгоо, урьдчилан сэргийлэх ажлыг үндэсний хэмжээнд эрчимжүүлэх шаардлагатай байна. Халдварыг эрт илрүүлж, хугацаа алдалгүй эмчлэх нь тархалтыг зогсоох цорын ганц арга" хэмээн мэдэгдлээ.

Одоогоор Европын орнуудын Эрүүл мэндийн яамдууд урьдчилан сэргийлэх сурталчилгааг идэвхжүүлж, иргэдийг тогтмол шинжилгээнд хамрагдахыг уриалж эхлээд байна.