АНУ-ын Ерөнхийлөгч Доналд Трампын Air Force One онгоц тавдугаар сарын 13-ны үдэш Бээжин хотын нисэх буудалд газарджээ. Түүнийг БНХАУ-ын дэд дарга Хань Жөн тэргүүтэй албаны хүмүүс угтан авсан байна.

Энэ удаагийн айлчлалын бүрэлдэхүүнд Доналд Трампын хүү Эрик Трамп, түүний эхнэр Лара Трамп, Төрийн нарийн бичгийн дарга Марко Рубио, Tesla, Space X компаниудын үүсгэн байгуулагч Илон Маск, Apple-ийн Ерөнхий захирал Тим Кук нарын алдартай бизнесмэнүүд багтжээ.

Өнөөдөр /2026.05.14/ Ерөнхийлөгч Доналд Трамп БНХАУ-ын дарга Ши Жиньпинтэй уулзахаар төлөвлөсөн байна. Уулзалтын үеэр Ираны асуудал, Тайванийг тойрсон нөхцөл байдал, АНУ, Хятадын тарифын маргаан, хоёр талын худалдааны харилцааг хэлэлцэх аж. 

Энэхүү айлчлал гуравдугаар сарын сүүлээр болохоор төлөвлөгдөж байсан ч Ираны асуудлын улмаас хойшилсон байжээ.