Ted Turner буюу дэлхийн анхны 24 цагийн мэдээллийн суваг болох CNN-ийг байгуулсан медиа магнат 87 насандаа таалал төгссөн талаар олон улсын хэвлэлүүд мэдээллээ.

Түүний нас барсныг гэр бүлийнх нь зүгээс мэдэгдсэн бөгөөд дэлхийн хэвлэл мэдээллийн салбарт оруулсан хувь нэмрийг нь онцлон дурджээ. Тед Тернер 1980 онд CNN Official Site-ийг байгуулснаар тасралтгүй мэдээлэл хүргэдэг телевизийн шинэ эрин үеийг эхлүүлсэн гэж үздэг.

Тэрээр зөвхөн CNN-ээр зогсохгүй TNT, TBS зэрэг телевизийн сувгуудыг байгуулж, Америкийн медиа салбарын хамгийн нөлөө бүхий эрхмүүдийн нэг болсон юм. Мөн бейсболын Atlanta Braves багийг эзэмшиж байсан бөгөөд байгаль хамгаалал, буяны үйл ажиллагаагаараа танигдсан байв.

Reuters агентлагийн мэдээлснээр, түүний үхлийн шалтгааныг албан ёсоор зарлаагүй байна. Харин тэрээр 2018 онд өөрийгөө Lewy body dementia гэх мэдрэлийн тогтолцооны өвчтэй гэдгээ олон нийтэд мэдээлж байжээ.