Япон улсад 15-аас доош насны хүүхдийн тоо 45 дахь жилдээ дараалан буурч, хүн ам зүйн хямрал улам гүнзгийрч буйг тус улсын Дотоод хэрэг, харилцаа холбооны яам мэдээллээ. 2026 оны дөрөвдүгээр сарын 1-ний байдлаар хүүхдийн тоо 13.29 саяд хүрсэн нь өмнөх оноос 350 мянгаар цөөрсөн үзүүлэлт болжээ.

Ингэснээр хүүхдүүд нийт хүн амын ердөө 10.8 хувийг эзэлж байгаа нь 1950 оноос хойших хамгийн доод түвшин болсон байна.

Мөн Японд өнгөрсөн онд төрсөн хүүхдийн тоо 705 мянга орчим болж, төрөлт 10 дахь жилдээ дараалан буурсан үзүүлэлттэй гарчээ.

Нөлөөлөх гол хүчин зүйл нь орон сууцны өндөр үнэ, хүүхэд өсгөх зардал, амьжиргааны дарамт, тогтворгүй ажлын орчин зэрэг нь залуу гэр бүлүүд хүүхэдтэй болох шийдвэрээ хойшлуулахад хүргэж байгаа аж.