Их Британийн брэнд үнэлгээний Brand Finance байгууллагаас гаргасан 2026 оны дэлхийн хамгийн үнэ цэнтэй 100 автомашины брэндийн жагсаалтад Хятадын 24 автомашины брэнд багтсан нь тус улсын автомашин үйлдвэрлэгчдийн олон улсын зах зээл дэх нөлөө эрс өссөнийг харууллаа.

Тус жагсаалтад Хятадын цахилгаан автомашин үйлдвэрлэгч BYD хамгийн өндөр байр эзэлж, дэлхийд 11-т бичигдсэн байна. Мөн AITO брэнд тансаг зэрэглэлийн автомашины шилдэг 10 брэндийн тоонд багтсан цорын ганц Хятадын компани болжээ.

Сүүлийн жилүүдэд Хятадын автомашин үйлдвэрлэгчид цахилгаан автомашин, ухаалаг жолоодлогын технологи болон экспортын хэмжээгээрээ хурдацтай өсөж, уламжлалт Европ, Япон, Америкийн үйлдвэрлэгчидтэй өрсөлдөх хэмжээнд хүрээд байна.

Шинжээчдийн үзэж буйгаар Хятадын автомашины салбарын энэхүү өсөлт нь дотоодын инноваци, төрийн бодлогын дэмжлэг болон олон улсын зах зээлд өргөжсөн стратегитай холбоотой аж.