АНУ-ын Ерөнхийлөгч Доналд Трамп тавдугаар сарын 4-ний өглөө “Эрх чөлөөний төсөл” (Project Freedom) нэртэй шинэ цэргийн ажиллагааг эхлүүлэхээ мэдэгдлээ. Энэхүү ажиллагааны хүрээнд Ормузын хоолойд саатсан худалдааны болон ачааны хөлөг онгоцуудыг аюулгүй гаргах зорилгоор АНУ-ын Төв командлал 15 мянган цэрэг, 100 гаруй нисэх онгоц, пуужинт хөлөг онгоц, дронуудыг дайчлах юм байна.

Трампын мэдэгдсэнээр уг ажиллагаа нь бүс нутгийн мөргөлдөөнд оролцоогүй улс орнуудын хөлөг онгоц, далайчдыг хамгаалах “хүмүүнлэгийн шинжтэй” арга хэмжээ бөгөөд Ормузын хоолой дахь худалдааны урсгалыг сэргээхэд чиглэжээ. Тэрбээр энэхүү ажиллагаанд саад учруулах аливаа оролдлогыг хүчээр таслан зогсооно гэж анхааруулсан байна.

Ормузын хоолой нь дэлхийн газрын тос, байгалийн хийн тээврийн стратегийн чухал бүс тул энэхүү ажиллагаа олон улсын эрчим хүчний зах зээлд чухал нөлөө үзүүлэхээр байна