Энэтхэгийн Odisha мужид нэгэн эр нас барсан эгчийнхээ банкны хадгаламжийг авахын тулд араг ясыг нь ухаж гарган банканд авчирсан хэрэг олныг цочирдуулав. Житу Мунда гэх иргэн эгчийнхээ дансанд байсан 19 мянган рупийг /ойролцоогоор 760,000-790,000 төгрөгтэй тэнцэнэ/ авах гэсэн боловч шаардлагатай бичиг баримт бүрдүүлж чадаагүй тул ийм үйлдэл хийжээ.

Тэрбээр банкны ажилтнуудыг эгч нь үнэхээр нас барсныг нотлох гэж оролдсон бөгөөд уг явдал олон нийтийн сүлжээнд өргөн тархсан байна. Харин банкны зүгээс зөвхөн хууль ёсны баримт бичиг шаардсан, шарил авчрахыг огт хүсээгүй гэж мэдэгдэв.

Орон нутгийн эрх баригчид хэрэгт оролцож, нас баралтын бүртгэлийг шийдвэрлэсний дараа хадгаламжийг гэр бүлд нь олгосон байна. 

Энэтхэгт данс эзэмшигч хамтран эзэмшигчийг нэрлээгүй нас барвал ар гэрийнхэн нь нас барсныг батлах гэрчилгээ, хууль ёсны өв залгамжлагчийн нотолгоо зэрэг баримт бүрдүүлэхэд нэлээд хугацаа шаардагддаг. Алслагдсан хөдөө орон нутагт энэ нь бүр илүү хүндрэлтэй байдаг байна.