Дэлхий дахины цэргийн зардал 2025 онд 2,887 их наяд ам.долларт хүрсэн нь 2024 онтой харьцуулахад 2,9 хувиар өссөн үзүүлэлт гэж Стокгольмийн Энх тайвны судалгааны олон улсын хүрээлэн (SIRPI)-ийн тайланд онцоллоо.

Тодруулбал, хамгийн их цэргийн зардалтай орнууд болох АНУ, БНХАУ, ОХУ нийлээд 1,480 их наяд доллар буюу дэлхийн нийт цэргийн зардлын 51 хувийг бүрдүүлсэн байна.

Цэргийн зардал 11 дэх жилдээ дараалан өсөж байгаа бөгөөд 2024 онд зардал 9,7 хувиар өссөнтэй харьцуулахад 2025 оны өсөлт 2,9 хувиар багахан өссөн нь энэ салбар дахь АНУ-ын зардал буурсантай холбоотой гэж шинжээчид тайлбарлажээ. Түүнчлэн өнөөдөр дэлхий даяар олон хямрал үүссэн, зарим орон цэргийн зардлаа урт хугацаанд нэмэхээр төлөвлөсөн нь 2026 он дуустал болон цаашид ч энэ салбарын зардал нэмэгдэх магадлалтайг харуулж байна гэж SIPRI-ийн шинжээч онцолсон байна.