Швейцарийн Альпийн нуруунд байрлах уулын хяналтын вебкамерт санамсаргүйгээр хувийн агшин бичигдсэн тухай олон улсын зарим хэвлэлд нийтлэгдээд байна. Тодруулбал, Альпийн нурууны Швейцарийн хэсэгт байрлах цаг агаарын ажиглалтын камерын бичлэгт  цасан дунд зугаацаж буй нүцгэн хосын дүрс буусан байна.

Уг камер нь олон нийтэд нээлттэй, аялал жуулчлал болон цаг агаарын нөхцөл байдлыг шууд дамжуулах зориулалттай ажиглалтын төхөөрөмж байсан бөгөөд тухайн хос камерын байршлыг анзаараагүй байх магадлалтай гэж эх сурвалжууд онцолж байна. Бичлэг нь зориудаар бус, санамсаргүй байдлаар хийгдсэн гэдгийг мөн дурджээ. 

 Тухайн үед бүс нутгийн цаг агаарын байдлыг тандахаар явган аялж явсан ноён А мөн дээрх дүр зургийг нүдээр харснаа мэдээлээд буй юм. Тэрбээр "Би цаг агаарын байдал, хэр их цас орсныг шалгаж явсан. Гэнэт тэднийг хараад инээд хүрч, бас даарч байгаа байх даа гэж бодсон” гэжээ.