Өнгөрсөн амралтын өдөр Пакистанд болсон АНУ, Ираны хэлэлцээгээр талууд зарим чухал асуудлаар нэгдсэн байр суурьгүй байсан тул тохиролцоонд хүрч чадаагүй тухай Ираны Гадаад хэргийн яамны албан ёсны төлөөлөгч Эсмаил Багаи мэдэгдлээ.

Тэрбээр, “Энэ хэлэлцээний үндсэн сэдвүүд нь Ормузын хоолой, цөмийн хөтөлбөр, хориг арга хэмжээг цуцлах, Ираны эсрэг болон бүс нутагт байлдааны ажиллагааг бүрэн зогсоох асуудал байсан” гэв.

Исламабад хотод болсон Иран, Америкийн төлөөлөгчдийн хэлэлцээ нь Иран, АНУ-ын хооронд дөрөвдүгээр сарын 08-ны өдөр гал зогсоосны дараа Ойрх Дорнод дахь хурцадмал байдлыг намжаах зорилготой байсан юм.