ОХУ-ын Ерөнхийлөгч Владимир Путин удахгүй болох Улаан өндөгний баярын үеэр ОХУ, Украины хооронд гал зогсоохоор болжээ. Гал зогсоох горим дөрөвдүгээр сарын 11-ний өдрийн 16:00 цагаас 12-ныг дуустал 32 цаг үргэлжлэх гэнэ.

Өмнө нь Украины Ерөнхийлөгч Володимир Зеленський Улаан өндөгний баяраар гал зогсоох саналыг ОХУ-д тавьж байсан юм. Гэхдээ энэ талаар ОХУ-аас гаргасан баримт бичигт дурдаагүй, харин Украины тал "Оросын жишээгээр гал зогсооно" гэж найдаж байгаа хэмээн онцолжээ.

Өнгөрсөн жилийн Улаан өндөгний баярын үеэр ОХУ-ын Ерөнхийлөгч Владимир Путин 30 цагийн хугацаанд гал зогсоох шийдвэр гаргаж байлаа.