2026 оны дөрөвдүгээр сарын 8-нд Грек улсын Засгийн газар 15-аас доош насны хүүхдүүдийг сошиал сүлжээ ашиглахыг хориглох шийдвэр гаргаснаа мэдэгдлээ.

Тодруулбал, тус улсын Засгийн газар 2027 оны нэгдүгээр сарын 1-нээс эхлэн Facebook, Instagram, TikTok зэрэг нийгмийн сүлжээний платформд 15-аас доош насны хүүхдүүд нэвтрэхийг хязгаарлахаар төлөвлөсөн бөгөөд энэ арга хэмжээг хүүхдийн сэтгэцийн эрүүл мэнд, нойрны чанар муудах, цахим донтолт нэмэгдэх зэрэг асуудалтай холбоотой гэж тайлбарлажээ.

Ерөнхий сайд Кириакос Мицотакис энэ шийдвэрийг “Хүнд боловч зайлшгүй алхам” хэмээн тодорхойлж, Европын Холбооны хэмжээнд ижил төрлийн бодлого хэрэгжүүлэх шаардлагатайг уриалсан байна. Мөн Грек улс өмнө нь сургуулиудад гар утас ашиглахыг хязгаарлах, эцэг эхийн хяналтын системийг сайжруулах зэрэг арга хэмжээ авч байсныг хэвлэлүүд онцолжээ.