“Cloudwards” портал дэлхийн улс орнуудын интернэтийн эрх чөлөөний түвшинг үнэлсэн 2026 оны индексээ танилцууллаа. Уг үнэлгээгээр Монгол Улс 76 оноо авч, 42-т жагссан байна.

Тус судалгаанд улс орнуудыг интернэтийн хүртээмж, төрийн хяналт, цензур, хэрэглэгчийн эрх чөлөө зэрэг үзүүлэлтээр 0-100 хүртэлх онооны системээр дүгнэжээ. Монгол Улсын хувьд дунджаас дээгүүр үнэлгээ авч, интернэт харьцангуй нээлттэй орнуудын ангилалд багтсан байна.

Хамгийн өндөр буюу 92 оноо авсан 11 улс жагсаалтыг тэргүүлсэн. Үүнд:

• Бельги 92
• Коста-Рика 92
• Зүүн Тимор (Тимор-Лесте)  92
• Шинэ Зеланд 92
• Дани 92
• Финланд 92
• Исланд 92
• Лихтенштейн 92
• Норвег 92
• Словак 92
• Суринам 92 зэрэг орнууд багтжээ.

Харин жагсаалтын сүүл хэсэгт:

• ОХУ 4
• БНХАУ 4 оноо авч, интернэтийн хатуу хяналт, цензур өндөр хэвээр байгааг илтгэж байна.