Иран болон сөргөлдөгчдийнх нь хооронд эвлэрэл байгуулснаас хойш хоёр долоо хоногийн дотор Ормузын хоолойгоор чөлөөтэй нэвтрэх боломжийг бий болгоно гэж Ираны Гадаад хэргийн сайд Аббас Арагчи мэдэгджээ.

Түүнчлэн "Иран руу чиглэсэн дайралт зогсвол Исламын бүгд найрамдах улсын зэвсэгт хүчин ч мөн хамгаалах довтолгоогоо зогсооно" гэж онцолсон байна.

Ираны энэ алхам АНУ-ын шийдвэртэй холбоотой.Тодруулбал, АНУ-ын Ерөнхийлөгч Доналд Трамп Ираныг Ормузын хоолойг нэн даруй нээвэл тус улсыг бөмбөгдөхөө хоёр долоо хоногийн хугацаанд зогсоохыг зөвшөөрсөн юм.