ОХУ-ын цэргийн тээврийн онгоц Крымийн хойгт осолдож, онгоцонд зорчиж явсан 29 хүн бүгд амиа алдсан тухай олон улсын хэвлэлүүд мэдээллээ.

Тодруулбал, осолдсон онгоц нь Ан-26 загварын тээврийн онгоц байсан бөгөөд 23 зорчигч, зургаан багийн гишүүнтэй нислэг үйлдэж байжээ. Нислэгийн үеэр онгоцтой холбоо тасарч, удалгүй уулын бүсэд унасан гэж албаныхан мэдээлсэн байна.

Урьдчилсан байдлаар ослын шалтгааныг техникийн гэмтэл байж болзошгүй хэмээн үзэж байгаа ч эцсийн дүгнэлт хараахан гараагүй байна. ОХУ-ын холбогдох байгууллагууд ослын шалтгааныг тогтоохоор мөрдөн шалгах ажиллагааг эхлүүлжээ.

Энэхүү осол нь сүүлийн жилүүдэд ОХУ-ын цэргийн нисэх хүчинд гарсан томоохон ослуудын нэгт тооцогдож байна.