АНУ-ын Ерөнхийлөгч Доналд Трамп өөрийн засаг захиргааны удаан хугацааны холбоотон, тууштай хамгаалагч байсан Ерөнхий прокурор Пэм Бондиг Америкийн хууль сахиулах дээд албан тушаалаас нь чөлөөлөв.

Эх сурвалжуудын мэдээлснээр уг шийдвэр нь түүний ажлын гүйцэтгэл болон улс төрийн эмзэг хэргүүдтэй холбоотой үйл ажиллагаанд сэтгэл дундуур байсан шалтгаантай аж. Ялангуяа санхүүжүүлэгч, бэлгийн хүчирхийллийн хэрэгт холбогдсон Жеффри Эпштейн-ий хэрэгтэй холбоотой баримт бичгүүдийг удирдан зохицуулсан байдал нь шүүмжлэл дагуулжээ.

Гэхдээ Пэм Бонди-г “Эпштейний хэргийг ил болгосон учраас огцруулсан” гэх мэдээлэл нь албан ёсоор батлагдаагүй бөгөөд гадаадын нэр хүндтэй хэвлэлүүд уг шалтгааныг шууд холбон тайлбарлаагүй байна.

Одоогоор АНУ-ын Хууль зүйн яаманд түр орлон гүйцэтгэгч томилогдож, шинэ Ерөнхий прокурорыг ойрын хугацаанд нэр дэвшүүлэх хүлээлттэй байна.