Индонезийн Тернате хотын эрэг орчмын ойролцоо 7.4 магнитуд хүчтэй газар хөдлөлт болсны улмаас нэг хүн амь үрэгдсэн байна.

АНУ-ын Геологийн судалгааны газар (USGS) мэдээлснээр газар хөдлөлт анх 7.8 магнитуд хүчтэй гэж бүртгэгдсэн байна. Газар хөдлөлтийн голомт Тернате хотоос 120 км зайд байсан юм.

Индонезийн Хойд Сулавеси мужийн эрэн хайх, авран албаны ажилтан Жорж Лео Мерси Раданг хэлэхдээ “Манадо орчимд газар хөдлөлт хүчтэй мэдрэгдэж, нэг хүн амь үрэгдэн, нэг хүн хөлөндөө бэртсэн” гэсэн байна.

Газар хөдлөлт болсноос 30 минут орчмын дараа Сулавеси арлын хойд бүсэд оршдог Хойд Минахаса мужид 75 см өндөр цүнами бүртгэгджээ.