Дэлхийн хамгийн олон хүн амтай Энэтхэг улс 2026 оны дөрөвдүгээр сарын 1-нээс эхлэн хүн амын тооллогоо албан ёсоор эхлүүллээ. Олон жил хойшлогдсон энэхүү томоохон ажиллагаа ойролцоогоор нэг жилийн хугацаанд үргэлжлэхээр төлөвлөгдөж байна.

Анх 2021 онд зохион байгуулагдах ёстой байсан хүн амын тооллого нь COVID-19 цар тахлын улмаас хойшлогдож, ийнхүү 2026 онд эхэлж байгаа нь энэ юм.

Энэ удаагийн тооллогод нийт 3 сая гаруй ажилтан оролцож, айл өрх бүрээр очин мэдээлэл цуглуулахын зэрэгцээ иргэд өөрсдөө цахимаар мэдээллээ бүртгүүлэх боломжтой болжээ. Түүнчлэн анх удаа бүрэн дижитал хэлбэрээр явагдаж буйгаараа онцлогтой.

Хүн амын тооллого нь хоёр үе шаттайгаар зохион байгуулагдах бөгөөд эхний шатанд орон сууц, амьдрах нөхцөлийн талаарх мэдээллийг бүртгэх бол дараагийн шатанд хүн амын нийгэм, эдийн засгийн нарийвчилсан үзүүлэлтүүдийг цуглуулах аж.

Одоогоор Энэтхэг улсын хүн ам 1.4 тэрбумыг давсан бөгөөд энэхүү тооллого нь улсын хөгжлийн бодлого, нийгмийн халамж, сонгуулийн тойргийн зохион байгуулалт зэрэгт чухал нөлөө үзүүлэх стратегийн ач холбогдолтой гэж үзэж байна.