Иран-д 2026 оны гуравдугаар сарын 19-нд гурван залууд цаазын ял гүйцэтгэсэн нь олон улсын анхаарлыг татаж байна. Цаазлагдсан хүмүүс нь 19 настай бөх Салех Мохаммадигаас гадна Мехди Гасеми, Саид Давуди нар байжээ.

Тэднийг 2026 оны нэгдүгээр сард болсон эсэргүүцлийн жагсаалтай холбоотой хэрэгт буруутган, “Бурхны эсрэг дайсагнал” (moharebeh) гэх зүйл ангиар ялласан бөгөөд цагдаагийн албан хаагчийн аминд хүрсэн гэж шүүх үзсэн байна. Уг шийдвэрийг Дээд шүүх хэвээр үлдээж, ялыг Кум хотод дүүжилж гүйцэтгэсэн гэж гадаадын хэвлэлүүд мэдээлжээ.

Иран дахь уг хэрэг нь 2026 оны эхээр өрнөсөн эсэргүүцлийн давалгааны дараах анхны цаазын ялуудын нэг болж байна. Олон улсын хүний эрхийн байгууллагууд энэ хэргийг шүүмжилж, шүүх ажиллагаа ил тод бус, эрүүдэн шүүсэн байж болзошгүй хэмээн үзэж байгаагаа илэрхийлжээ.

Залуу бөхийн хувьд дотоодын тэмцээнүүдэд амжилт гаргаж байсан бөгөөд түүний цаазын шийдвэр нь спортын хүрээнийхэн болон хүний эрхийн байгууллагуудын эсэргүүцэлтэй тулгарч эхэлсэн байна.