Hyundai Motor Company автомат суудлын аюулгүй байдлын асуудлаас үүдэн Өмнөд Солонгост 58,000 ширхэг Palisade жийп машиныг эргүүлэн татахаар боллоо. Тус улсын Тээврийн яамнаас мягмар гарагт гаргасан шийдвэр нь энэ сарын эхээр АНУ-д гарсан ноцтой ослын дараах арга хэмжээ юм.
3-р сарын 7-нд Охайо мужид болсон ослын үеэр хоёр настай охин амь насаа алдсан бөгөөд орон нутгийн хэвлэлүүдийн мэдээлснээр Hyundai Palisade машины гуравдугаар эгнээнд сууж байсан хүүхдийн дээр автомат суудал унасан байж болзошгүй аж. Үүний дараа Hyundai компани өндөр зэрэглэлийн зарим хувилбаруудын борлуулалтыг зогсоож, АНУ болон Канадад нийт 68,500 автомашиныг эргүүлэн татахаар шийдвэрлэсэн бөгөөд болсон явдлыг одоогоор шалгаж байна.
Мөн Өмнөд Солонгост өнгөрсөн оны арав болон арванхоёрдугаар сард ижил төрлийн доголдлоос үүдэн хоёр зорчигч гэмтсэн тохиолдол бүртгэгдсэн байна. Үүнээс өмнө Hyundai компани АНУ-ын аюулгүй байдлын зохицуулагч байгууллагад цахилгаан суудлын асуудалтай холбоотой дөрвөн гэмтлийн талаар мэдээлээд байсан юм. Тээврийн яамны тайлбарласнаар Palisade загварын хоёр болон гуравдугаар эгнээний суудлын хянагчийн програм хангамж нь зорчигч болон эд зүйлсийг зөв илрүүлэх чадвар хангалтгүй байсан нь аюулгүй байдалд эрсдэл учруулжээ.
Үүссэн асуудлыг шийдвэрлэхийн тулд Hyundai компани түр хугацаанд програм хангамжийн шинэчлэл нэвтрүүлж эхэлсэн бөгөөд энэ нь автомат нугалах функцийг илүү хялбар унтраах боломжтой болгох, мөн арын хаалга онгорхой үед цахилгаан суудлын ажиллагааг хязгаарлах зэрэг өөрчлөлтүүдийг багтаажээ. Цаашид илүү өргөн хүрээний аюулгүй байдлын арга хэмжээ авч хэрэгжүүлэхээр судалж байгаа гэж компани мэдэгдсэн байна.
Өнгөрсөн жил Hyundai Palisade нь Өмнөд Солонгост хамгийн их борлуулалттай жийп байсан бөгөөд 100 тэрбум воны зардал учирч, цаашлаад хамтын нэхэмжлэл болон нөхөн төлбөрийн асуудалтай тулгарах эрсдэлтэй байна.
| Автомат суудлын асуудлаас болж Hyundai Өмнөд Солонгост 58,000 Palisade жийп машиныг эргүүлэн татлаа |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38