Ираны эсрэг АНУ, Израилын хамтарсан цэргийн ажиллагаа эхэлсний дараа Иран улс дэлхийн газрын тос, шингэрүүлсэн хийн нийлүүлэлтийн 25 хувь нь дамжин өнгөрдөг стратегийн чухал зам болох Ормузын хоолойг хаасан юм. Газрын тос, шингэрүүлсэн хий тээвэрлэх хөлөг онгоцуудыг Ормузын хоолойгоор нэвтрүүлэхгүй болсны улмаас дэлхийн олон оронд түлш, эрчим хүчний хомстолтой нүүр тулах эрсдэл нүүрлээд байв.

Энэ асуудлыг шийдэх зорилготой зөвлөлдөх уулзалт болж, улмаар ойрын үед Ормузын хоолойгоор хөлөг онгоц чөлөөтэй нэвтрүүлэх тухай хэлэлцээг эхлүүлэх боломжтой болсон талаар Олон улсын далайн байгууллага (IMO) мэдэгджээ.

Тодруулбал, гурван өдөр үргэлжилж, пүрэв гарагт өндөрлөсөн зөвлөлдөх уулзалтын дүнгээр Ормузын хоолойг нээх шийдэл олох, аюулгүй гарц бий болгох асуудлаар Иран болон булангийн орнууд ирэх долоо хоногт хэлэлцээ эхлүүлэхээр болсон байна.