БНСУ-ын 2026 оны шинэ хичээлийн жил эхлэхэд улсын хэмжээнд 210 гаруй бага сургуульд (초등학교) нэгдүгээр ангийн нэг ч элсэгч бүртгэгдээгүй нь олон улсын хэвлэлүүдээр мэдээлэгдлээ. Энэ үзэгдэл нь БНСУ-д үргэлжилж буй хүүхдийн тоо буурах асуудлыг тодорхой харуулж байна.

Эдгээр 210 сургуульд элсэгчгүй болсон нь 2015 онтой харьцуулахад 81 хувиар өссөн үзүүлэлт бөгөөд ихэвчлэн жижиг тосгон, хөдөө орон нутагт илэрчээ. Зарим сургууль бүр хичээл эхлэх ёслол буюу элсэлтийн үйл ажиллагаа ч хийж чадаагүй гэж солонгос хэвлэлүүд мэдээлж байна.

Мэргэжилтнүүдийн үзэж буйгаар, энэ нь зөвхөн тоо буурахаас гадна нийтлэг нийгмийн шалтгаан-тай холбоотой гэжээ:

1. Төрөлтийн бууралт: БНСУ-д төрөлтийн түвшин сүүлийн жилүүдэд хамгийн бага түвшинд хүрсэн. Эцэг эхийн насны өсөлт, гэр бүл жижигсэх хандлага, хүүхдийн төлөвлөгөө багассан нь гол шалтгаан юм.
2. Хөдөө орон нутгийн хүн амын цөөрөлт: Томоохон хотуудад шилжин суурьших үзэгдэл их байгаа учир хөдөө орон нутгийн сургуулиудад хүүхдийн тоо хүрэлцэхгүй болжээ.
3. Хүүхдийн тоо буурсантай холбоотойгоор бага сургуулиуд нэгдэж, заримыг нь хаах бодлого хэрэгжиж байгаа нь элсэгчгүй сургууль нэмэгдэхэд нөлөөлсөн.
4. Нийгмийн болон эдийн засгийн хүчин зүйл: Гэр бүлүүдийн санхүүгийн боломж, ажлын ачаалал, орон байрны нөхцөл зэрэг нь хүүхэд төрүүлэх шийдвэрт нөлөөлж байна.