Өчигдөр /2026.02.26/ Украин болон АНУ-ын төлөөлөгчид Швейцарийн Женев хотод уулзжээ. Уг уулзалтаар эдийн засаг, аюулгүй байдлын талаар хэлэлцсэн гэж Украины төлөөлөгчдийн багийн тэргүүн Рустем Умеров мэдэгдлээ.

Тэрбээр, “АНУ-ын Ерөнхийлөгчийн тусгай элч Стив Уиткофф болон Жаред Кушнертэй хийсэн уулзалтаар Украины эдийн засгийг сэргээн босгох, аюулгүй байдлын асуудлуудыг хэлэлцсэн. ” гэжээ Мөн “Аюулгүй байдлын үзүүлэлт, эдийн засгийн шийдэл болон цаашдын тохиролцооны үндэс болох зөвшилцсөн байр суурийг эцэслэх асуудал дээр ажиллаж байна” хэмээн тус тус онцолсон байна.

Украин, АНУ-ын төлөөлөгчид тусдаа уулзаж, үүний дараа Швейцарийн төлөөлөгчдийг оролцуулсан гурван талт уулзалт болсон байна.