Туркменистан улс Олон улсын эмэгтэйчүүдийн эрхийг хамгаалах өдрийг тохиолдуулан бүх эмэгтэйчүүддээ нэг удаагийн мөнгөн бэлэг олгохоор болсныг гадаадын хэвлэлүүд мэдээлжээ. Тодруулбал, тус улсын Ерөнхийлөгч Сердар Бердымухамедовын зарлигаар Мартын 8-ны баярыг угтан эмэгтэйчүүдэд 60 манат буюу ойролцоогоор 3 ам.доллар-той тэнцэх мөнгөн урамшуулал олгох шийдвэр гаргасан байна.

Уг мөнгөн бэлгийг гуравдугаар сарын 2-6-ны хооронд тараах бөгөөд төрийн болон хувийн хэвшилд ажилладаг эмэгтэйчүүдээс гадна тэтгэвэр авагчид, оюутнууд, ахлах ангийн сурагчид, цэцэрлэгийн насны охид хүртэл хамрагдах аж. 

Туркменистан нь Мартын 8-ны өдрийг өргөн хүрээнд тэмдэглэдэг бөгөөд төрөөс эмэгтэйчүүдэд мөнгөн болон эд материалын бэлэг олгох нь нийгмийн бодлогын нэг хэсэг гэж гадаадын хэвлэлүүд мэдээллээ.