23 настай Их Британийн иргэн Люси Харрисон АНУ-ын Техас мужид аавтайгаа байх үедээ буудуулж нас барсан хэрэг өнгөрсөн оны нэгдүгээр сард гарчээ.

Тодруулбал, 2025 оны нэгдүгээр сарын 10-нд Техас мужийн Проспер хотод болсон уг хэргийн өмнө Люси болон түүний аавын хооронд Дональд Трампын талаар ширүүн маргаан өрнөсөн гэж шүүхийн сонсголын үеэр дурдсан байна.

Мэдээллээр, маргааны дараа аав нь гар буу гаргаж ирсэн бөгөөд улмаар Люси зүрхний тус газартаа буудуулж амиа алдсан аж. Аав нь буу санамсаргүйгээр буудсан хэмээн мэдүүлжээ. Хэргийг Коллин тойргийн их тангарагтны шүүх (grand jury) хэлэлцэж, тухайн үед эрүүгийн хэрэг үүсгэх хангалттай нотлох баримтгүй гэж үзэн яллах шийдвэр гаргаагүй байна.

Энэ хэрэг нь Дональд Трампын гэр бүлийнхэнтэй холбоотой биш бөгөөд зөвхөн гэр бүлийн маргааны үеэр улс төрийн сэдэв хөндөгдсөн талаар эх сурвалжууд мэдээлжээ. Хэргийг Их Британийн болон АНУ-ын хэд хэдэн хэвлэл мэдээллийн хэрэгслүүд шүүхийн сонсголын мэдээлэлд үндэслэн нийтэлсэн байна.