Олон улсын хамтын ажиллагаа, сөргөлдөөнийг зохицуулах үйлсэд оруулсан хувь нэмрийг үнэлэн олгодог Эвальд фон Клейстийн нэрэмжит шагналын 2026 оны эзнээр Украины ард түмэн тодорчээ.

Энэ шагналыг Мюнхен хотноо 02 дугаар сарын 13-15-ны өдрүүдэд зохион байгуулагдах Мюнхений Аюулгүй байдлын бага хурлын үеэр Украины Ерөнхийлөгч Володимир Зеленьскийд гардуулах юм байна.

Эвальд фон Клейст-Шменцин Мюнхений Аюулгүй байдлын бага хурлыг үндэслэн, удирдаж байсан зүтгэлтэн юм. Тэрээр 30 гаруй жил энэхүү нөлөө бүхий форумыг удирдаж, аюулгүй байдал, дайны дараах үеийн Герман улсыг НАТО-д оролцуулах асуудлаарх яриа хэлэлцээг урагшлуулахад чухал үүрэг гүйцэтгэжээ.