Японы Ерөнхий сайд Санаэ Такаичи тэргүүлдэг Либерал ардчилсан нам парламентын сонгуулиар 465 суудлын 316-г авч чаджээ. Өмнө нь энэ нам 198 суудалтай байсан юм.

Энэ нь Дэлхийн II дайн дууссанаас хойш нэг нам ийм хэмжээний суудал авч чадсан анхны тохиолдол гэж Японы хэвлэлүүд онцолжээ. Түүнчлэн 1955 онд байгуулагдсан Либерал ардчилсан намын хувьд ч түүхэн амжилт юм.

2025 оны 10 дугаар сарын 21-ний өдрөөс Японы Ерөнхий сайдаар ажиллаж эхэлсэн Санаэ Такаичи 2026 оны 01 дүгээр сарын 23-ны өдөр парламентын доод танхимыг тарааж, ээлжит бус сонгууль зарласан. Тэр бээр энэ сонгуульд нам нь ялалт байгуулахгүй бол албан тушаалаасаа огцорно гэж мэдэгдэж байлаа. Санаэ Такаичи Ерөнхий сайдын албан тушаалд ажиллаж эхэлснийхээ дараа эдийн засгийн өсөлтийг дэмжих, үндэсний аюулгүй байдлын тухай шинэ хууль батлахын тулд төсвийн зардлыг нэмнэ гэж мэдэгдэж байв.

Эх сурвалж: Nikkei