Иран дахь АНУ-ын Элчин сайдын яам иргэддээ хандан Иран улсыг нэн даруй орхин гарахыг уриаллаа.

Иран улсад байгаа АНУ-ын иргэд цаашид интернет тасалдахад бэлэн байж, холбоо харилцаа тогтоох бусад арга хэрэгслийг хайж, "Аюулгүй бол Армени эсвэл Турк рүү хуурай замын боомтоор нэвтрэн гарч, Ираныг орхих"-ыг анхааруулсан байна.

"Яг одоо Ираныг орхин гар. АНУ-ын Засгийн газраас тусламж ирнэ гэж найдалгүйгээр Иранаас гарах төлөвлөгөө бодож ол" хэмээн Элчин сайдын яамны мэдэгдэлд дурджээ. Түүнчлэн нислэгийг урьдчилан мэдэгдэлгүйгээр хойшлуулж, цуцалж болзошгүйг анхааруулсан байна.

Ийм анхааруулга гаргах болсон нь АНУ-ын Ерөнхийлөгч Доналд Трамп хоёрдугаар сарын дөрөвний өдөр Ираны дээд удирдагчид хандан "маш их санаа зовох хэрэгтэй дээ" хэмээн сүрдүүлсэн утга бүхий мэдэгдэл хийсэнтэй холбоотой юм.