13 настай Austin Appelbee гэх хүү гэр бүлийнхээ амь насанд аюул тулгарсан нөхцөлд байгаа хүч чадлаа дайчлан 4 километр сэлж, эцэстээ гэр бүлээ аврахын тулд тусламж дуудсан баатарлаг үйл явдал гарчээ. Энэ тухай ABC News, AP News, News.com.au зэрэг олон улсын хэвлэл мэдээллүүд мэдээлж байна.

Тодруулбал, Austin гэр бүлээрээ далайн эрэгт амралтаар явж байгаад далай руу илүү гүн салхинд завь болон paddleboard-оор хөвж очжээ. Гэнэт хүчтэй салхи болон давалгаа үүссэн нь тэднийг эргээс ойролцоогоор 14 километр зайд холдуулсан байна. Ээж нь хоёр дүүгээ хамгаалахын тулд завиар эрэг рүү очих боломжгүй болсон тул Austin-д тусламж дуудуулах ба гэр бүлээ аврах шийдвэр гаргах үүргийг өгчээ.

Хүү ийм нөхцөлд айх зовохоо мартан, далайн хүйтэн ус, хүчтэй давалгаа, салхитай нөхцөлд 4 километрийг ганцаараа сэлж эрэгт хүрсэн байна. Түүний сэлэлт ойролцоогоор 4 цаг үргэлжилсэн гэж эх сурвалжууд мэдээлжээ. Эрэгт хүрснийхээ дараа Austin ойролцоогоор 2 километр алхаж, утас олж, эмнэлгийн тусламж дуудах боломжийг бүрдүүлсэн байна.

Түүний баатарлаг үйлдлийн ачаар эргийн хамгаалалтын нисдэг тэрэг, аврагчид гэр бүлийг олж аварсан бөгөөд аврагдсан хүмүүсийн дунд ээж, 12 настай ах, 8 настай дүү багтсан байна. Хүүгийн ээжийн хэлснээр, гэр бүл ойролцоогоор 10 цаг гаруй хүйтэн усанд хөвж байсан ч амьд гарсан нь Austin-ын баатарлаг сэлэлтээр боломжтой болсон гэжээ.

Austin өөрөө тухайн үедээ “Зүгээр л сэлж, сэлж… гэр бүлийг минь аврах хэрэгтэй гэж бодсон” гэж ярьсан бөгөөд өөрийгөө баатар гэж боддоггүй хэмээн илэрхийлжээ. Энэ үйл явдал нь олон хүний урам зоригийг төрүүлж, гэр бүлийн хайр, зориг, баатарлаг хүү хэмээн алдаршуулж байна.