Европ болон Канадын удирдагчид АНУ-д итгэх итгэл суларч буй энэ үед Хятадтай харилцаагаа сэргээж, “хамгийн оновчтой хувилбар”-ыг эрэлхийлж эхэллээ. Үүнийг Хятадын тал стратегийн “алтан боломж” хэмээн үзэж байна.
Их Британийн Ерөнхий сайд Кир Стармер 8 жилийн дараа Хятадад айлчилж, Ши Жиньпинтэй уулзан эдийн засгийг төвд нь тавьсан, илүү тогтвортой харилцааг сэргээхээр тохиролцов. Тэрээр уур амьсгалын өөрчлөлт, дэлхийн тогтвортой байдлын асуудлаар хамтран ажиллахын чухлыг онцолж, санал зөрөлдөөнтэй ч яриа хэлэлцээг хадгалах байр сууриа илэрхийлсэн. Хоёр улсын харилцаа 2015 онд “алтан үе”-дээ хүрсэн ч 2020 оны Хонконгийн хуулиас хойш хүйтэрсэн билээ.
Европт Хятад–Оросын ойрын харилцаанд болгоомжлолтой ханддаг ч газрын ховор элемент зэрэг стратегийн нөөц, худалдааны хамаарал өндөр хэвээр байна. 2024 онд Хятад нь ЕХ-ны экспортын 8.3 хувийг эзэлж, худалдааны алдагдал 305.8 тэрбум еврод хүрчээ. Франц, Герман зэрэг орнууд худалдааны тэнцвэргүй байдлыг засахын зэрэгцээ харилцаагаа өргөжүүлэх сонирхолтой байгаагаа илэрхийлсэн.
Ши Жиньпин Европыг “өрсөлдөгч бус түнш” хэмээн тодорхойлж, хамтын ажиллагааг гүнзгийрүүлэхийг уриалсан. АНУ Гренландтай холбоотой шаардлага тавьж, тарифын бодлогоо чангатгаснаар АНУ–Европын зөрчил нэмэгдэж, Европын орнууд Энэтхэг, MERCOSUR зэрэг түншүүдтэй чөлөөт худалдааны хэлэлцээр байгуулан гадаад бодлогоо олон талт болгох чиглэлд шилжиж байна.
Канадын Ерөнхий сайд Марк Карни ч Хятадад айлчилж, эдийн засгийн хамтын ажиллагааг бэхжүүлэхээр тохиролцсон бөгөөд Хятадтай харилцаа АНУ-тай харьцуулахад илүү урьдчилан таамаглах боломжтой гэж мэдэгджээ.
Ийнхүү АНУ-тай үүссэн үл итгэлцэл Европ, Канадын Хятад руу ойртох хандлагыг нэмэгдүүлж, Хятадын хувьд олон улсын байр сууриа бэхжүүлэх стратегийн боломж болж байна.
Эх сурвалж: Asahi
| АНУ-д итгэл нь суларсан Европ Хятадтай харилцах “Хамгийн оновчтой гарц”-ыг эрэлхийлж байна |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38