Дэлхийн буддын шашны тэргүүн Далай лам (Тэнзин Гьяццо) 68 дахь удаагийн “Грэмми” шагнал гардуулах ёслолоос Best Audio Book, Narration & Storytelling Recording буюу Шилдэг аудио ном, тайлбар, өгүүллэг төрөлд шагнал хүртлээ.

Тэрбээр “Meditations: The Reflections of His Holiness the Dalai Lama” нэртэй аудио бүтээлээрээ энэхүү шагналыг авч, уран бүтээлийн салбарт анх удаа “Грэмми”-гийн эзэн болж байна.

90 настай Далай лам ёслолд биечлэн оролцоогүй бөгөөд шагналыг уран бүтээлч Rufus Wainwright түүний өмнөөс хүлээн авсан байна.

Шагнал авсныхаа дараа тэрбээр “Үүнийг би хувь хүний амжилт бус, хүн төрөлхтний нийтлэг хариуцлагын үнэлгээ гэж харж байна” хэмээн мэдэгджээ.

Харин Хятадын Засгийн газраас уг шийдвэрийг шүүмжилж, улс төрийн өнгө аястай үйлдэл хэмээн байр сууриа илэрхийлсэн байна.