Энэтхэгийн Баруун Бенгал мужид Nipah вирусийн шинэ дэгдэлт бүртгэгдэж, одоогоор 5 хүнээс халдвар батлагджээ. Халдвар авсан хүмүүсийн ойрын хавьталд орсон ойролцоогоор 100 хүн гэртээ тусгаарлагдсан байгаа бөгөөд эрүүл мэндийн байгууллагууд халдварын тархалтыг хязгаарлах арга хэмжээ авчээ.

Халдвар авсан тохиолдлуудын дунд эмч, сувилагч зэрэг эмнэлгийн ажилтнууд багтсан бөгөөд зарим нь хүнд байдалтай эмчлэгдэж байна. Одоогоор халдвар авсан хүмүүсийг тусгаарлан ажиглаж, дэмжих эмчилгээ өгч байгаа бөгөөд баттай эмчилгээ болон вакцин одоогоор алга байна.

Nipah вирусийн тухайд,

• Зоонозын вирус бөгөөд ихэвчлэн сарьсан багваахай, гахай зэрэг амьтнаас хүнд дамждаг.
• Халдвар авсан хүмүүст халуурах, ханиалгах, амьсгалын хүндрэл, тархины үрэвсэл (энцефалит) илэрч болно.
• Дэлхийн эрүүл мэндийн байгууллагын мэдээллээр нас баралт 40-75 хувь хүрч болох өндөр аюултай вирус юм.
• Ковид‑19 вирустай харьцуулахад халдварлах чадвар багатай, зөвхөн ойр харилцаанд халдварладаг тул дэлхий даяар цар тахал шиг тархах боломж багатай.

Олон улсын арга хэмжээ:

• Тайланд зэрэг улс орнууд нисэх буудлуудад сувилгаа, эрүүл мэндийн хяналтыг эрчимжүүлжээ.
• Энэтхэгийн албаныхан халдварын бүсэд хяналт, хамгаалалтын арга хэмжээг эрчимжүүлж, ойрын хавьталд орсон хүмүүст тусгаарлалт, шинжилгээ хийж байна.

Мэргэжилтнүүд Nipah вирусийг аюултай, хяналт шаардсан халдварт өвчин гэж тодорхойлж байгаа бөгөөд иргэдийг хоорондын зай барих, гараа угаах, халуурах, ханиалгах шинж тэмдэг илэрвэл эмнэлэгт яаралтай хандахыг анхааруулж байна.