АНУ-ын Агаарын нислэг, сансрын уудмыг шинжлэн судлах төв /NASA/ болон Эрчим хүчний яам ойрын дөрвөн жилийн хугацаанд Сарны гадаргуу дээр цөмийн реактор барих, суурилуулах төслийг хамтран хэрэгжүүлнэ.

АНУ-ын Эрчим хүчний яам (DOE) болон NASA харилцан ойлголцлын санамж бичигт гарын үсэг зурсан байна. New York Post сонинд бичсэнээр, хоёр байгууллага Сарны гадаргуу дээр төдийгүй тойрог замд цөмийн реактор байрлуулах томоохон төслийг 2030 он гэхэд хэрэгжүүлэхээр төлөвлөж байна.

Албаны хүмүүсийн хэлснээр, энэхүү төсөл нь Ерөнхийлөгч Трампын сансар огторгуйг эзэмших, судлах талаарх ирээдүйн төлөвлөгөөний нэг хэсэг юм. 

Эдгээр реакторт Сарны гадаргуу дээр явагддаг задралын энергийг ашиглах ажээ. Ингэснээр ирээдүйд Саран дээр хэрэгжүүлэх төслүүдэд цахилгаан эрчим хүчийг “аюулгүйгээр, их хэмжээгээр” үйлдвэрлэх боломжтой болно.