Өмнөд Солонгосын прокурорууд ерөнхийлөгч асан Юн Сок Ёльд цаазын ял оноох хүсэлтийг шүүхэд гаргажээ. Үүнийг шийдэх шүүх хурал хоёрдугаар сарын 19-нд болно. 

Тодруулбал 2024 оны арванхоёрдугаар сард Юн цэргийн дэглэм тогтоож онц байдал тогтоосныг Үндсэн хууль зөрчсөн хэмээн буруутгасан. Түүнийг "бослого удирдсан" гэх заалтаар буруутгаж буй бөгөөд энэ тохиолдолд бүх насаар нь хорих эсвэл цаазын ял оноох боломжтой. Энэ дагуу прокурорууд цаазын ял оноох хүсэлтийг шүүхэд гаргаад байгаа аж. 

Өдгөө 65 настай Юн 2025 дөрөвдүгээр сард огцорсон бөгөөд бүрэн эрхийнхээ хугацаанд баривчлагдсан анхны ерөнхийлөгч болсон юм.

Нэмж дурдахад, Өмнөд Солонгос нь сүүлийн 30 жил орчим цаазын ялыг ямар нэг хүнд оноогоогүй. 1979 онд төрийн эргэлтээр эрх мэдэл булаасан Чон Ду Хванд цаазын ял оноосон ч сүүлд бүх насаар нь хорих ял болгон өөрчилсөн байдаг.