АНУ-ын Ерөнхийлөгч Доналд Трамп Венесуэлийн Ерөнхийлөгч Николас Мадурод өршөөл үзүүлэхээр төлөвлөөгүй гэж The New York Times мэдээлжээ. 
Сэтгүүлчид Цагаан ордны тэргүүнтэй ярилцах үеэрээ АНУ-д шүүгдэж буй хэд хэдэн хүн, тэр дундаа Мадурод өршөөл үзүүлэх эсэх талаар асуусан байна. Энэ асуултад Трамп "эдгээр хүмүүст өршөөл үзүүлэх бодолгүй байгаа" гэсэн утгатай хариу өгчээ. 
Эргэн сануулахад, 01 дүгээр сарын 03-ны өдөр Каракас дахь иргэний болон цэргийн объектууд руу АНУ довтолсон гэж Венесуэлийн Гадаад хэргийн сайд Иван Хиль Пинто мэдэгдэж байв.

Тэрбээр АНУ-ын энэ үйлдлийг цэргийн түрэмгийлэл хэмээн нэрлэж байлаа. Улмаар Венесуэлд онц байдал зарласан. Үүний дараа Доналд Трамп цохилт өгсөн тухай мэдээллийг баталж, Николас Мадурог эхнэрийнх нь хамт эх орноос нь тээвэрлэн гаргасан гэж мэдэгдэж байв. Тэднийг Нью-Йоркийн өмнөд хэсэгт байх Бруклин дэх урьдчилан саатуулах төвд хүргэж, 01 дүгээр сарын 05-ны өдөр Николас Мадуро болон түүний эхнэрийг шүүх хурал Нью-Йорк мужийн Өмнөд тойргийн холбооны шүүх дээр болсон юм. 

Эх сурвалж: The New York Times