ОХУ-ын Пенза мужид чанар муутай зуун настын ундаа худалдсан гэх мэдээллийн дагуу прокурорын байгууллага шалгалт эхлүүлжээ. Энэ тухай тус мужийн Хяналтын албанаас 12-р сарын 27-нд мэдээлэв. Пенза мужын Железнодорожный дүүргийн прокурорын газраас Telegram хуудсандаа “Бид энэ хэргийг шалгаж, болсон явдлын нарийн учрыг тогтоохын зэрэгцээ иргэдийн хууль ёсны эрх ашгийг хамгаална” хэмээн мэдэгджээ. Шалгалтаар зөрчил илэрсэн тохиолдолд прокурорын зүгээс зохих арга хэмжээг авах болно гэдгийг мөн онцолсон байна. Одоогоор Хяналтын байгууллага нь хууль сахиулах болон бусад холбогдох байгууллагуудын шалгалтын явц, үр дүнд хяналт тавьж байгаа аж.

Өчигдөр Роспотребнадзор эрүүл мэндэд хортой байж болзошгүй гэсэн үндэслэлээр зуун настын ундааг худалдаалахыг түр зогсоожээ.

Известия сонин Пенза муж дахь зуун настын ундааны үйлдвэрийн үйл ажиллагааг нь зогсоосон тухай мэдээлжээ. Энэ явдлаас өмнө Денис Соболев гэх эцэг, хүүгээ дэлгүүрээс худалдаж авсан "Зуун наст" нэртэй ундаанаас балгасны дараа бараг хордох шахсан тухай ярьсан байна. Түүний хэлснээр, хүү нь ундааг амсмагц ам нь хүчтэй түлэгдэж эхэлжээ. Мөн лонхтой шингэнээс ацетон шиг эвгүй химийн үнэр үнэртэж байсан гэж тэрбээр нэмж хэлсэн юм.