"Нью-Йорк Таймс" сонины 1911 оны 12 дугаар сарын 28-ны мэдээг орчуулан хүргэж байна. 

Бээжин хот, Пүрэв гараг, Арванхоёрдугаар сарын 28, 2:26 цаг.

Хятадаас ихээхэн хараат Туркестаны салан тусгаарлахтай зэрэгцэн Хятадтай ижил шахам хэмжээний газар нутагтай Монгол Улс маргааш тусгаар тогтнолоо тунхаглана.

Ингэснээр аль аль нь Оросын нөлөөнд шилжиж, ивгээлд нь багтана гэхэд хилсдэхгүй. Орос Улс хүссэн цагтаа өөрсдөдөө дагаар оруулах боломжтой болох юм. Их хаан нь Монгол Улсын эзэн хаан гэгдэнэ. Хятадаас удаан хугацаанд зөвшөөрөл хүсэж байсан Орос Улсын хувьд Транс-Монголын төмөр замын бүтээн байгуулалт одоо гагцхүү цаг хугацааны асуудал болж, түүгээр дамжин Европоос Бээжинд гурваас дөрвөн хоногт очиж болох нь. Оросын нөлөөлөл Манжуур дахь Японы эзэрхийлэлд заналхийлж болзошгүй болсноор Японы ашиг сонирхлыг хадгалах зорилготой Японы эвсэл эрт, орой нэгэн цагт бий болж магадгүй юм. Энэхүү Монгол Улсын хэрэг явдалд Оросын Засгийн газар зохих ёсоор биш юм гэхэд Оросын төрийн албан хаагч, албан тушаалтнууд нөлөөлсөн билээ.