Монголд гэрийн үйлчлэгч хийж байгаад харамсалтайгаар амиа алдсан Террил Атиензагийн гэр бүлийнхэн эх орондоо очсоны дараа "Монголын ард түмний өгсөн мөнгөөр ээжийнхээ шарилыг зөөж, хүндэтгэлтэй газар оршуулна" хэмээн мэдээлсэн. Сэтгүүлч С.Будрагчаа монголын ард түмнээс хандивласан 17 мянган долларыг Террил Атиензагийн гэр бүлд гардуулсан билээ. Тиймээс тэд энэ мөнгөөр олон жилийн турш хэт ачаалалтай, арчилгаа муутай нийтийн оршуулгын газар оршоосон ээжийнхээ шарилыг зөөвөрлөж  хайхрамжгүй байдлаас болж нулимс унагахгүйгээр очиж чаддаг газар аваачна гэсэн. Мөн нийтийн оршуулгын газарт булшийг хадгалж үлдэхийн тулд таван жил тутамд бүртгэлийг нь сунгаж, огноо өөрчлөгддөг. Булшийг нь алдахгүй байлгах цорын ганц боломж нь энэ байсан. Харин одоо бид түүнийг шилжүүлэх үед ээжийн минь жинхэнэ нас барсан он болох 2011 он үүрд мөнхөд үлдэх болно гэж тодотгосон. 

Тэгвэл тэд хүссэн газараа олжээ. Энэ тухай Атиензагийн том охин "Тэр модны сүүдэр дор, өргөн, нээлттэй үзэмжтэй, чимээгүй, уудам, зөөлөн, Монгол бидэнд мэдэрдэг шиг амарна" гэлээ.