АНУ-ын Ерөнхийлөгч Доналд Трампын засаг захиргаа Олон улсын эрүүгийн шүүхийн хоёр шүүгчид хориг тавьжээ. Тэдний нэг нь МУ-ын иргэн Олон улсын эрүүгийн шүүхийн Давж заалдах шатны шүүгч Д.Эрдэнэбалсүрэн юм. Харин нөгөө нэг нь Гүржийн шүүгч Гожа Лорккипанидзе аж. Учир нь, АНУ-ын засаг захиргаа Олон улсын эрүүгийн шүүхийг Газын зурваст явуулж буй Израилийн талын цэргийн ажиллагаа нь улс төрийн гэмт хэрэг гэж үзэн, мөрдөн шалгах ажиллагаа явуулах шийдвэртэй нь холбоотой бөгөөд “ОУЭШ нь Израил руу чиглэсэн улстөржсөн шийдвэрүүд гаргасаар байгаа нь олон улсын хувьд аюултай жишиг тогтоож байна. АНУ болон Израилийн тусгаар тогтнолыг зөрчиж, дээрх хоёр улсын зөвшөөрөлгүйгээр ОУЭШ шийдвэр гаргах, эрх мэдлээ урвуулан ашиглахыг тэвчихгүй” гэжээ.

Хориг тавьснаар хоёр шүүгчийн АНУ руу зорчихыг хориглох, АНУ-ын харьяаллын дагуу хөрөнгийг царцаах зэрэг арга хэмжээ авах юм байна. 

Ташрамд дурьдахад, Олон улсын эрүүгийн шүүхийн Ромын дүрэмд оролцогч талуудын ассамблейн 22 дугаар чуулган 2023 оны 12-р сард Нью-Йорк хотноо болж, улмаар Монгол Улсын иргэн Д.Эрдэнэбалсүрэн 81 орны саналаар тус шүүхийн Давж заалдах шатны шүүгчээр сонгогдсон.