Японы хойд бүс нутагт хүчтэй газар хөдлөлт болсны дараа зарласан цунамигийн сэрэмжлүүлгийг эрх баригчид цуцалсан талаар гадаадын хэвлэлүүд мэдээллээ. Японы Цаг уурын агентлагийн мэдээлснээр, далайн давалгаа аюултай түвшинд хүрэх эрсдэл багассан тул анхааруулгыг бүрэн цуцалсан байна.

Газар хөдлөлт Японы зүүн хойд бүсийн эрэг орчимд болж, эхний мэдээгээр 7.5 магнитудын хүчтэй байжээ. Үүний дараа далайн эрэг дагуу орших зарим бүсэд цунамигийн сэрэмжлүүлэг, анхааруулга зарлаж, оршин суугчдыг өндөрлөг газар нүүлгэн шилжихийг зөвлөсөн байна. Гэвч бодит хэмжилтээр томоохон давалгаа бүртгэгдээгүй тул сэрэмжлүүлгийг шат дараатайгаар сулруулж, улмаар цуцалжээ.

Одоогийн байдлаар хүний амь нас эрсэдсэн, их хэмжээний хохирол учирсан тухай албан ёсны мэдээлэл гараагүй бөгөөд эрх баригчид газар хөдлөлтийн дараах нөхцөл байдлыг үргэлжлүүлэн хянаж байгаа аж. Мөн иргэдийг болзошгүй давтан чичирхийлэлд болгоомжтой байхыг анхааруулсан байна.

Эх сурвалж: Reuters