АНУ-ын Ерөнхийлөгч Дональд Трамп хоёр улс гал зогсоохоор тохиролцсон мэдэгдсэн ч Тайланд болон Камбожийн хоорондох тулаан үргэлжилсээр байна.

Тайландын Ерөнхий сайд Анутин Чарнвиракул Камбож бүх хүчээ татаж, газрын минүүдээ зайлуулсны дараа л гал зогсоох боломжтой гэж Трампад хэлсэн гэжээ. Тэрбээр нийгмийн сүлжээнд "Тайланд улс газар нутаг, ард түмэндээ цаашид хор хөнөөл учруулахгүй, аюул заналхийлэхгүй болтол цэргийн ажиллагаа явуулсаар байх болно. Би үүнийг тодорхой болгохыг хүсч байна. Өнөө өглөөний бидний үйлдэл аль хэдийн үр дүнгээ өгсөн" гэж бичжээ.

Камбожийн батлан ​​хамгаалах яам Тайландын сөнөөгч онгоцууд зочид буудлын барилга, гүүрийг бөмбөгдсөн гэж мэдэгдсэн бол Тайланд Камбожийн пуужингийн дайралтад хэд хэдэн энгийн иргэн шархадсан гэж мэдэгдэв. Дахин эхэлсэн тулаанд дор хаяж 21 хүн нас барж, хоёр талаас 700,000 хүнийг нүүлгэн шилжүүлжээ.