БНСУ-ын Сөүл хотын нэгэн клубт согтуу эмэгтэйн биеэ хамгаалах чадваргүй байдлыг далимдуулан бэлгийн хүчирхийлэл үйлдсэн 20 гаруй насны хоёр залууг цагдаагийн байгууллагаас баривчилжээ. Шалгалтын явцад тэд тус улсад суралцаж байсан Монгол Улсын иргэн, оюутнууд болох нь тогтоогдсон байна. Сэжигтэн А, Б нар нь өнгөрсөн 10 дугаар сард Сөүл хотын Мапу дүүргийн (Mapo-gu) нэгэн клубт танилцсан 20 гаруй насны гадаад эмэгтэйг хүчирхийлсэн хэрэгт буруутгагдаж байна. Эх сурвалжийн мэдээлснээр, тэд тухайн үед согтууруулах ундаа хэтрүүлэн хэрэглэж биеэ хянах чадваргүй байсан эмэгтэйг клубын ойролцоох газар руу чирч аваачин, гэмт хэрэг үйлдсэнийхээ дараа хэргийн газраас зугтжээ.

Хохирогч эмэгтэй цагдаад гомдол гаргасны дагуу мөрдөн шалгах ажиллагаа эхэлсэн боловч сэжигтнүүд болон хохирогч бүгд гадаад иргэд байсан тул биеийн байцаалтыг тогтооход хүндрэлтэй байсан аж. Гэсэн хэдий ч цагдаа нар хяналтын камерын (CCTV) бичлэгт дүн шинжилгээ хийж, сэжигтнүүдийг Монгол Улсын иргэд болохыг тогтоож, 
* Сэжигтэн Б-г  гэртээ байхад нь;
* Сэжигтэн А-г  хот хоорондын автобусны терминал дээр малгай, маск зүүн нүүрээ далдалж автобусанд суугаад зугтах гэж байхад нь тус тус баривчилжээ.

Эх сурвалж: https://m.mbn.co.kr/news/society/5160741?fbclid=IwY2xjawOnFyVleHRuA2FlbQIxMABicmlkETFidW1manBUVmttZnRXYTJZc3J0YwZhcHBfaWQQMjIyMDM5MTc4ODIwMDg5MgABHtwVETtM5tYj9LEZWYAg3q77DWp_CuyWKZpfh6Prm68zIdLasnfcDO4lojJO_aem_UPVq6DpnqFji1OfB_I2ukQ